Muthenya wa Uhuru Kenyatta.

Mugathe mutongoria wa bururi uhuru wa kenyatta niehitithitio umuthi na mihitwa ya wedi mwega kuri bururi na muingi o wothe hatari na guthutukania na mithingi ya kiduriri kana kiuteti, mihitwaini  iria augithiririo ni chief registrar Anne Amadi ari rungu rwa mucirithania munene David Maraga.

Oho uhuru niehitire kurugamirira kihoto na kugitira gatiba ya bururi thiini wa igongona riria rikikire kiharaoini kinene kia Kasarani muciini wa Nairobi. Nacio ngemi na nduhio, ciaiguika kuma kuri muingi wa makiria ma 60,000, uria uguikinyitie hindi iria eguikiraga thaini kuonania guitikira mwito wa wafici yake.

Nake munini wake William Ruto arumirira kuugithio mihitwa o ta iyo. igongona riri nirigemirio ni atongoria a kuma mabururi matiganite thiini wa Afrika, guku ndumiriri cia gukunguira kuri uhuru ikiuma kundu gutiganite thiini wa thii.

Amwe a atongoria aria meguikinyitie mauma,mutongoria Paul Kagame (Rwanda), Yoweri Museveni (Uganda), Edgar Lungu (Zambia), Ian Khama (Botswana), Salva Kiir Mayardit (South Sudan), Ismaïl Omar Guelleh Muhammed (Djibouti), Ali Bongo Ondimba (Gabon), Hage Geingob (Namibia), Abdullahi Farmajo (Somalia),  Prime Minister wa Ethiopia Hailemariam Desalegn na Guinea’s Prime Minister Mamady Youla.

mutongoria Muhammadu Buhari wa Nigeria arugamirirwa ni  munini wake Yemi Osinbajo.

nake uria wari mutongoria wa  Tanzania, Jakaya Kikwete nauria wari Prime Minister Edward Lowassa o nao nimeguikinyitie.

itanya ria akenya niati riu,Ukuria wa utongoria wa bururi, niukunyitithania Akenya kuumana na njatukano iria ithiite nambere kugumira bururi na mithingi ya kinduriri na kiuteti hamwe kuhurana na ciiko cia ngukumio thirikari-ini ni mamwe ma maundu maria mutongoria wa bururi Uhuru Kenyatta na munini wake William Ruto matanyitwo kurongoreria makiria wona mehitithio muthenya wa ruciu

 

 

Leave a Reply

Your email address will not be published. Required fields are marked *

*