Ngucanio thiini wa IEBC guthii nambere.

Njatukano thiini wa kamitii ya ithuurano na mihaka IEBC guku bururiini no ithiite nambere kwiyumiria thutha wa nyumba cia mohoro kwanirira ati muikariri giti wa kamitii ino Wafula Chebukati niarandikiire marua murugamiriri munene Ezra Chiloba akienda ataririe itumi 12 iria ciacungiriirie gukanjwo kwa githurano kihituku kia mutongoria wa bururi.

Matongoretio ni munini wa muikariri giti wa kamitii ino Consolata Nkatha, makomishiona atano nimaugite ati maamukirire marua maya kuhetukira ng’enda cia kiiriu ota akenya aria angi, na makongerera ati ndeto iria ikoretwo igikinyio ni cia muhuhu kuona ati nikuri mitaratara iria ibatie kurumirirwo hindi iria uhoro ta uyu urenda kwariririo.

Kuringana na makomishona aya, nimakoretwo magitabania micemanio maita maingi ino gutiri hingo mari meerwo magiie na agenda ya kwariria uhoro uria urandikitwo maruaini macio.

Ona kuri uguo, nimehotorete na anja iria megukorwo magicokia kungikinyanira ati muikariri giti wa kamitii ino niakumienda.

O maya magikikaga, athurimi a githurano matongoretio ni ngwataniro ya British High commissioner nimathing’iriirie mihang’o yothe ya kiuteti itikiire kuhe kamitii ya ithurano na mihaka mweke na metheme na miario iria ingituma kamitii ino yegemere mwahu umwe hindi ino mehaririria ma gucokera githurano mathiete nambere.

Leave a Reply

Your email address will not be published. Required fields are marked *

*